Ibertel ten a satisfacción de anunciar a ampliación do seu contrato de commissioning con Telefónica ata o ano 2028, consolidando a súa posición como socio estratéxico na implementación e optimización de infraestruturas de telecomunicacións. Ademais desta renovación, o acordo inclúe unha ampliación significativa no número de provincias nas que Ibertel prestará os seus servizos, o que representa un paso adiante no crecemento e expansión das nosas operacións.
O commissioning é un proceso clave para garantir que as instalacións e sistemas de telecomunicacións cumpran cos máis altos estándares de calidade e rendemento. Este novo acordo reforza a confianza de Telefónica na nosa capacidade para ofrecer solucións técnicas avanzadas, con un enfoque na eficiencia e a excelencia operativa.
Con esta ampliación territorial, Ibertel asume un reto maior que non só optimiza os sistemas existentes, senón que tamén permite seguir evolucionando co despregamento de novas tecnoloxías, como a fibra óptica e as redes 5G. A nosa empresa reafirma o seu compromiso coa innovación e o servizo, apoiando o crecemento de Telefónica nun mercado en constante evolución.
